Martxoak 8, Urtxintxaren adierazpena

Martxoak 8, Urtxintxaren adierazpena

Martxoak 8, Urtxintxaren adierazpena

Urtxintxak bat egiten du martxoaren 8an ospatuko den Emakumearen Nazioarteko Egunarekin eta Euskal Herriko mugimendu feministaren “Kapitalismo heteropatriarkalari planto! Bizitzak erdigunera!”  nazioarteko Greba Feministaren deialdiarekin, oraindik ere urratsak ematen jarraitu behar baitugu emakumeen eskubideetan gizarte parekide bat izatera heltzeko.

Ner Groupeko partaide garen aldetik, gure izatean ondorengoa barneratuta dugu: “Aukera, eskubide eta betebehar berak eskaintzen dizkiegu Ner Group osatzen dugun pertsona guztioi”. Beraz, Urtxintxan pertsonengan dugu konfiantza, inolako genero bereizketarik gabe, eta eguneroko jardunean ere horren alde lanean jarraituko dugula adierazi nahi dugu.

“Martxoaren 8an hetero-patriarkatu kolonial-kapitalistak alboratzen gaituenok erdigunea hartuko dugu, transon, bolleron eta emakumeon bizitzak erdigunean jarri nahi ditugulako. Horregatik, bost ardatzetan antolatu dugu greba: pentsionista, ikasle, zaintza, enplegu eta kontsumo greba feminista izango da.” Urtxintxan greba babestu eta gaiaren inguruan hausnartuko dugu, gure lan eremuetan ere artikulaziorako espazioak eskainiz eta egun honetarako antolatu diren ekintzetan parte hartu ahal izatea erraztuko dugularik.

Hori dela eta, Urtxintxak zerbitzu minimoak eskainiko ditu martxoaren 8an, gizonezkoen eskuhartzeetara mugatuko delarik. Bulegoko aurrez aurreko arretarik ez dugu eskainiko, ezta telefono edota posta elektroniko bidezkorik ere.