ZAPITXOA

ZAPITXOA

Partaide kopurua

Gutxienez 3 (hobe gehiago)

Baliabideak

Zapitxo bat

Espazioa

Toki zabala

Azalpena

1. Jokalari guztiak, bat izan ezik, bi taldetan banatuko dira. Taldetan sartu ez den hori “agintaria” izango da. Jolastokian hiru marra margotuko dira, gutxi gorabehera marren artean hamar metroko tartea utzita. “Agintaria” erdiko marran jarriko da eta talde bakoitza marra baten atzean.

2. Talde bakoitzeko jokalarien artean zenbakiak banatu beharko dituzte, hau da, jokalari bakoitzari zenbaki bat egokituko zaio.

3. Jolasari hasiera emateko “agintariak” zenbaki bat esango du ozen. Orduan talde bakoitzean zenbaki hori duen laguna zapia hartzera korrika abiatuko da. Helburua zapia hartzea eta bere taldeko marrara zapitxoarekin itzultzea da. Hori lortuz gero, beste taldeko jokalaria kanporatua geratuko da. Taldeko marratik pasa aurretik beste taldeko jokalariak harrapatzen badu, berriz, zapitxoa duen laguna geldituko da kanpoan. Zapitxoa hartzerakoan ezin da erdiko marra zapaldu.

4. Jolasa errepikatuko da talde bateko jokalari guztiak kanporatu arte. Batzuetan talde batean bestean baino jokalari gehiago egongo dira. Hori gertatzen denean, jokalari gutxiago duen taldeko partaide batek bi zenbaki hartuko ditu.

Erdiko jokalariak bi zapitxo ere izan ditzake eta zenbakia esaterakoan talde bakoitzeko jokalari batek zapitxo bana hartu. Beste taldekoengana korrika abiatuko da, eta bertan, jokalari baten besoan zapitxoa lotuko du, nahi adina korapilorekin. Ondoren beste aldera abiatuko da, arerioek bere taldeko norbaiti lotutako zapitxoa askatzera, “agintariarengana” eramateko. Erdiko jokalariari zapitxoa azkena eramaten diona kanporatua izango da.

Hizkuntza lantzeko, zenbakiak erabili beharrean, beste gauza batzuk erabil daitezke: fruituak, animaliak, koloreak…

Informazio soziokulturala

Oso jolas ezaguna eta zabaldua da. Aspalditik da ezaguna eta gaur egun asko erabiltzen da. Ikastetxeetan ere oso erabilia da, heziketa fisikoko ikasgairako oso aproposa baita.

Aldaerak

*korapiloak bi zapitxorekin
Erdiko jokalariak bi zapitxo ditu eta zenbakia esaterakoan talde bakoitzeko jokalari batek zapitxo bat hartuko du. Beste taldekoengana korrika abiatuko da, eta bertan, jokalari baten besoan zapitxoa lotuko du, nahi adina korapilorekin. Ondoren beste aldera abiatuko da, arerioek bere taldeko norbaiti lotutako zapitxoa askatzera, “agintariarengana” eramateko. Erdiko jokalariari zapitxoa azkena eramaten diona kanporatua izango da.

*hitzak aldatuz
Hizkuntza lantzeko, zenbakiak erabili beharrean, beste gauza batzuk erabil daitezke: fruituak, animaliak, koloreak…

Esamoldeak

  • ZAPIA:
    Zapitxoa
  • HARAPATUTA:
    Kitto (KITTO hitza esango da beste taldeko bat harrapatzean)
  • AGINTARIA
    (zapitxoa eusten duen laguna)

Gaitasunak

  • Jarduera ludikoa:
mugimenduzko eta adimen estrategiazko jokoa.
  • Jarduera kognitiboak:
eragiketa jokaera: arrazoibide konkretua eta zenbakitzea.
  • Trebetasun funtzionalak:
ikerketa: lekualdatzea (korrika). Eraginkortasuna: lastertasuna.
  • Alderdi sozialak:
talde motako harremana.

Iruditan