GAKO HITZAK

GAKO HITZAK

GAKO HITZAK

Helburuak

Ideia edo gai baten alerdi nagusiak sintetizatzea edo laburtzea.
Arazo edo gai beraren aurrean, hari aurreko egiteko unean, jendeak modu desberdinetan jokatzen duela ikustea eta onartzea.

Parte hartzaileak

+5

Garapena

Gai baten inguruko azalpena egin ondoren, gai horretaz pentsatzen dutena hitz batean laburtzeko eta paper batean idazteko eskatuko diegu parte hartzaileei.
Norbaitek hitzok irakurtzen dituen bitartean, guk arbel batean edo paper batean idatziko ditugu, denek aise irakurtzeko moduan.
Gogoeta labur bat dinamizatuko dugu hitz bakoitzak parte hartzaileentzat izan dezakeen esanahiaren gainean.

Jolas eremua

Toki eroso bat, ondo entzuteko oztoporik gabekoa.

Denbora

10-15 minutu.

Materiala

Orriak eta arkatzak edo bolalumak, arbela edo paper handi bat.

Aldaerak

Gaia hitz batean laburtzeko eskatu ordez, esaldi batean laburtzeko eska dezakegu.
Jardueraren abipatun gisa, dokumentu bat irakur daiteke, hitzaldi bat egin, telebistako eztabaida saio bat erakutsi… Ondoren, gai edo ideia nagusiak hitz batean edo esaldi batean laburtzeko eskatuko diegu parte hartzaileei.
Parte hartzaileek grafikoki adieraz lezakete gako hitza edo esaldia.

Gomendioak

Teknika hau oso egokia da parte hartzaileei beren pentsamendua laburtzen trebatzen erabiltzeko, gai baten alderdi garrantzitsuenak aukeratzen laguntzeko.
Gai bat lantzeko prozesuan erabil daiteke, eztabaida baten alderdi nagusiak sintetizatzeko, edo, gai bat aurkezterakoan, parte hartzaileek gaiaz duten iritziaren diagnostiko bat egiteko.

Ebaluazioa

Erreparatu ea amaierako hausnarketan parte hartzaile guztiek hitz egin duten.
Parte hartzaileek egiten dituzten iruzkin eta gogoetetatik abiatuta, erreparatu ea ariketaren helburua ondo ulertu den eta parte hartzaileen artean ariketak arrakastarik izan ote duen.