Kuadrillak 2.0

Zertan datza?

Bezeroak: udalak. Jasoleak: 12-16 urte bitarteko gaztetxoak.


Gazteen aisialdi esparruan talde naturaletan euskararen erabilera handitzeko egitasmoa da. Horretarako aisialdiko ekintzen bitartez gazteen hizkuntza ohituretan eragitea da xedea. Egitasmo honen bidez, euskararen erabilera handitzeko estrategietan trebatutako hezitzaileak hartzen dute parte eta euskaraz aritzeko gune eta lagunartea eskaintzen da.

IRUN KUADRILLAK 2.0 egitasmoa ezagutzen duzu?

Otsailetik aurrera eta ikasturtea bukatu bitarte, Irungo 12-16 urte arteko gazteek, ostiralero, arratsaldeko 19:00etatik 21:00etara, Irungo auzo ezberdinetan (Behobia-Artian, Irun erdigunean, Anakan edota Katea-Ventasen), euren aisialdian hezitzaileekin zein Irungo beste auzoetako gazteekin elkartu eta ekintza zein esperientzia berriak bizitzeko aukera izango dute; jolasteko, ekintza bereziak egiteko, herrikideekin elkartzeko, interesak elkarbanatzeko eta kuadrillak sortzeko aukera izango dute. Martxan da KUADRILLAK 2.0 egitasmoa!

GAZTE, Kuadrillak 2.0 egitasmoaren parte-izan nahi?

Egitasmoko HEZITZAILE eta gazteen BIDELAGUN izan nahi duzu?