ABESTERA!

ABESTERA!

Helburuak

Taldeak modu dibertigarri batean eratzea.
Taldean konfiantza giroa sortzea.

Parte hartzaileak

+8

Garapena

Jarduera hau egiteko, taldea hainbat taldetxotan banatuko dugula azalduko diegu parte hartzaileei. Horretarako, abesti baten izena esango diogu bakoitzari, eta abesti bera egokitu zaien pertsonak bilatu beharko dituzte taldea eratzeko. Aretoan barrena ibiliko dira beren abestia kantatuz eta abesti hori bera kantatzen ari diren pertsonak bilatuz.
Tarte bat utziko dugu zalantzak argitzeko eta galderak egiteko.
Parte hartzaileei ilaran jartzeko eskatuko diegu.
Abesti bat xuxurlatuko diegu belarrira.
Ondoren, jolasari ekiteko seinalea egingo dugu, parte hartzaileak beren taldekideen bila has daitezen.

Antolaketa

Aldez aurretik pentsatuta eduki behar dugu zein abesti abesaraziko ditugun. Abesti ezagunak izan behar dute.

Jolas eremua

Edozein.

Denbora

10 minutu.

Materiala

Ez da beharrik.

Aldaerak

Abestiak xuxurlatu ordez, abestiaren izena idatzita daramaten txartelak banatu.

Gomendioak

Aldez aurretik erabaki nolako taldeak osatu nahi ditugun, elkarrentzat oztopo izan daitezkeen pertsonak elkarrengandik bananduz eta elkarren lagungarri izan daitezkeenak elkartuz.

Ebaluazioa

Taldeak ondo eratu diren ikusi.