ESKUA ALTXATU

[dkpdf-button]

ESKUA ALTXATU

Helburuak

Taldea isilik eta adi egotea lortzea.
Ahotsa goratu beharrik izan gabe hitz egin ahal izatea.

Parte hartzaileak

+3

Garapena

Taldearen arreta erakartzeko, ahotsa goratu ordez, eskua altxatuko dugula azalduko diegu parte hartzaileei. Eskua altxatuta ikusten gaituztenean, isildu egin beharko dira, eta eskua altxatu beharko dute haiek ere, gainerako parte hartzaileak aldaketaz ohar daitezen, hots, isiltasuna eskatzen ari garela kontura daitezen. Isilik egoteko eskaeraz ohartu ez denik baldin badago, lehenbailehen jakinaraziko diogu, bizkarrean zapladatxo bat emanez eta eskua altxatzeko keinua erakutsiz, baina hitzik egin gabe. Guztiak isilaraztea lortzen dugunean, eskua jaitsiko dugu, eta une horretan eman beharreko azalpena eman edo egin beharreko oharra egingo dugu.
Tarte bat utziko dugu zalantzak argitzeko eta galderei erantzuteko.
Azaldutakoa praktikan jartzera gonbidatuko dugu taldea: horretarako, etengabe hizketan hasiko dira denak.
Eskua altxatuko dugu eta denak isildu arte arte itxarongo dugu.

Jolas eremua

Edozein.

Denbora

2 minutu.

Materiala

Ez da beharrik.

Aldaerak

Eskua altxatu ordez, beste keinu bat egin: eskuaz ahoa estali, mingaina atera, beso biak altxatu, etab.

Gomendioak

Gogoratu ezingo dugula ahapeka ere hitz egin eskua altxatuta dugun bitartean, eta ondokoa ohartu ez bada, hitzik egin gabe jakinaraziko beharko diogula isiltzeko, dinamika errespetatzearren.
Ez hasi hizketan denak isildu arte.

Ebaluazioa

Teknika eraginkorra den ikusi.