GORPUTZ ADIERAZKORTASUNA

GORPUTZ ADIERAZKORTASUNA

[dkpdf-button]

GORPUTZ ADIERAZKORTASUNA

Helburuak

Taldeak modu dibertigarri batean eratzea.
Ez-hitzezko komunikazioa garatzea.

Parte hartzaileak

+8

Garapena

Jarduera hau egiteko, taldetxotan banatuko garela azalduko diegu parte hartzaileei. Horretarako, animalia baten izena xuxurlatuko diogu belarrira parte hartzaile bakoitzari, eta hiru arte zenbatutakoan, bakoitza bere animalia imitatzen hasiko da; animaliaren mugimenduak eta hotsak imitatzen. Adibidez: txakurra egokitu zaionak, lau hankatan dabilela, mingaina kanpoa duela, esango du: au-au! Animalia bera imitatzen duten pertsonak bilatu beharko dituzte, eta haiekin taldeak eratu.
Tarte bat utziko dugu zalantzak argitzeko eta galderak egiteko.
Taldea ilaran jarriko da.
Imitatu beharko duten animaliaren hotsa xuxurlatuko dugu parte hartzaile bakoitzaren belarrira.
Ondoren, jolasari ekiteko seinalea egingo dugu, parte hartzaileak animaliak imitatzen eta taldekideen bila has daitezen.

Antolaketa

Aldez aurretik pentsatuta eduki behar dugu zenbat talde osatuko ditugun, eta horren arabera kalkulatu zenbat animalia beharko ditugun. Beste aukera bat, taldeak aldez aurretik prestatzea eta orri batean idatzita eramatea da.

Jolas eremua

Edozein.

Denbora

10 minutu.

Materiala

Ez da beharrik.

Aldaerak

Animalien ordez, sentimenduak, gorputz atalak, lanbideak… erabili.
Belarrira xuxurlatzen ibili ordez, paper mutur batean idatzita eraman imitatu beharreko animaliaren izena.
Mugimendua imitatu soilik, edo soinua soilik.

Gomendioak

Aldez aurretik erabaki nolako taldeak osatu nahi ditugun, elkarrentzat oztopo izan daitezkeen pertsonak elkarrengandik bananduz eta elkarren lagungarri izan daitezkeenak elkartuz.

Ebaluazioa

Taldeak ondo eratu diren ikusi.