HITZ ARGAZKIA

HITZ ARGAZKIA

HITZ ARGAZKIA

Helburuak

Zenbait argazki edo irudi oinarri hartuta, gogoetak eta sentimenduak trukatzea.

Parte hartzaileak

+5

Garapena

Argazki sorta bat hartu (parte hartzaile bakoitzeko bana, gutxienez) eta lurrean jarriko dugu, edo parte hartzaileek aise ikusteko moduko beste edozein tokitan.
Argazkiak isilean ikusteko 5-10 minutu izango ditugula, eta ondoren, parte hartzaile bakoitzak bat aukeratuko duela azalduko dugu.
Behin denbora hori pasatuta, parte hartzaile bakoitzak bere irudia har dezala eskatuko dugu.
Taldea biribilean eseriko da.
Banan-banan, aukeratu duten irudia zergatik aukeratu duten azalduko dute denek. Ez da eztabaidan jarriko esaten dutena, baina galderak egin ahalko dira, zer adierazi nahi duten hobeto ulertze aldera.

Antolaketa

Argazkiak aldez aurretik aukeratuko dira. Argazki handi samarrak izan behar dute, lanean aise erabiltzeko modukoak. Lan aretoan jarriko dira, lurrean (alfonbra edo zapi baten gainean), horman zintzilik, egokien iruditzen zaigun moduan.

Jolas eremua

Lan aretoa.

Denbora

20-30 minutu.

Materiala

Landu dugun edo lantzera goazen gaiarekin zerikusia duten argazkiak.

Aldaerak

Marrazkiak erabil litezke argazkian ordez.

Gomendioak

Garrantzitsua da pertsonen arteko harreman trukea afektibitatearen eta irudimenaren bidez egitea, horrek anbiguotasunak eta gatazkak eragiteko arriskuak badakartza ere. Kontua ez da ezagutzak transmititzea, bizipenak baizik.

Ebaluazioa

Parte hartzaileen azalpenak entzutea.
Ariketa egin ondoren, aukeratutako irudiak egokiak izan diren ikusi behar da, hau da, irudiok sentimenduen adierazpena eta ideien jarioa eragiteko balio izan duten.