JENDEAK ESKATZEN DUENA DA

JENDEAK ESKATZEN DUENA DA

[dkpdf-button]

JENDEAK ESKATZEN DUENA DA

Helburuak

Talde edo organizazio batean elkarlanak nolako garrantzia duen aztertzea.
Organizazio bateko buruzagi edo gidariaren papera aztertzea.

Parte hartzaileak

+8

Garapena

Lauzpabost kideko taldetan banatuko ditugu parte hartzaileak.
Talde bakoitzak buruzagi bat izendatu behar duela azalduko dugu.
Objektu batzuk eskatuko ditugu (parte hartzaileenak beraienak edo aretokoak bertakoak izan daitezke) eta talde bakoitzak bere objektuak non utzi behar dituen adieraziko diegu.
Buruzagiak eta taldeak guk eskatzen dieguna eskuratu behar dute; buruzagiak berak eta ez beste inork entregatu beharko digu, gero, eskatutako objektua.
Aurrena iristen den taldearen objektua baino ez dugula hartuko argituko dugu.
Objektu gehien ematea lortzen duen taldea izango da irabazlea.
Talde irabazlea zein izan den erabaki ondoren, bateratze lana egingo dugu, talde bakoitzak lana nola egin duen eta taldeko buruzagiaren portaera nolakoa izan den aztertzeko.

Antolaketa

Aretoko bazter batean jarriko gara eta toki bat prestatuko dugu taldeek beren objektuak bertan utz ditzaten.

Jolas eremua

Lan aretoa.

Denbora

15 minutu.

Materiala

Aretoko objektuak.

Aldaerak

Objektuak gauza zehatzak izan daitezke, eta haiek eskuratzeko talde estrategia bat garatu beharra exijituko duen toki baten egon daitezke. Era horretan, buruzagiak paper nabarmenagoa jokatuko du.

Gomendioak

Ziurtatu, amaierako hausnarketan, buruzagi eta parte hartzaileei egingo zaizkien iruzkinak errespetutik eta inoren sentimenduak zauritu gabe egingo direla.

Ebaluazioa

Talde laneko elkarlanari eta koordinazioari buruzko amaierako hausnarketan, buruzagiaren papera, haren zeregina eta garrantzia aztertuko dugu.