OBJEKTUA ETA ZENBAKIA

OBJEKTUA ETA ZENBAKIA

OBJEKTUA ETA ZENBAKIA

Helburuak

Oroimena lantzea.

Parte hartzaileak

+5

Garapena

Talde txikiak egingo ditugu, bi edo hiru lagunekoak.
Hainbat zirkulu marraztuko ditugu lurrean (hamar, gutxienez), eta bakoitzean zenbaki bat idatzi eta objektu bat jarriko dugu.
Tarte bat utziko dugu parte hartzaileek zirkuluetako bakoitzean zer objektu dagoen ikusteko.
Objektu guztiak jasoko ditugu.
Taldeak banan-banan pasatuko dira objektuak ustez lehen zeuden tokian uztera.

Antolaketa

Poltsa edo kutxa bat izan, ariketan erabiliko ditugun objektuak gordetzeko.
Kontuan izan marrazki bat egin behar dugula lurrean, bai lekua bai baldintzak horretarako egokiak diren ikusteko.
Paper batean idatzita eraman hasierako objektu-zerrenda, parte hartzaileek zenbat erantzun zuzen eman dituzten jakiteko.

Jolas eremua

Zabala izan behar du, lurrean marraztu ahal izateko modukoa, eta garbitzen erraza.

Denbora

20 minutu.

Materiala

Lurrean marrazteko klarionak.
Zirkuluetan jartzeko objektuak.

Aldaerak

Jarduera txandaka egin daiteke. Talde bat saiatuko da aurrena; idatzita jasoko dugu zenbat objektu jarri dituzten dagokion zenbakian. Ondoren, berriro banatuko ditugu objektuak, beste era batera, eta beste taldearen txanda izango da orduan.
Emaitza paper batean idatzita jasotzeko eta objektu guztiak begi bistan uzteko eskatuko dugu. Aurrena amaitzen eta gehien asmatzen duena izango da irabazlea.

Gomendioak

Teknika hainbat aldiz aplikatu eta zirkulu kopurua handituz joan.
Ideia asoziazioen oinarrizko elementuak, eta gauzak gertaerekin eta esperientzia partikularrekin erlazionatzeko moduak eta abar eztabaidatu.
Oinarrizko memorizazio teknikak ikusi.

Ebaluazioa

Zenbatu zenbat objektu jarri dituzten dagokion tokian.