PHILIPS 66

[dkpdf-button]

PHILIPS 66

Helburuak

Partaide kopuru handi batek gai jakin baten inguruan dituen ideiak denbora gutxian eskuratzea eta denen parte hartzea bultzatzea.

Parte hartzaileak

+18

Garapena

Taldea seina kideko azpitaldetan banatuko dugu.
Talde bakoitzak eztabaida zuzenduko duen koordinatzaile bat izendatu beharko du, eta behar izanez gero, baita kontalari edo bozeramaile bat ere.
Galdera bat edo eztabaidagai bat proposatuko dugu, eta talde bakoitzak 6 minutu izango ditu gai horren inguruko ondorio batera iristeko.
Behin denbora hori pasatuta, talde bakoitzeko koordinatzaileak edo bozeramaileak eztabaidaren emaitza jakinaraziko die gainerako taldeei.

Antolaketa

Galderak edo eztabaidagaiak aldez aurretik prestatuko ditugu, eta behar izanez gero, oharren bat egingo dugu taldeek beren ondorioak azaldu ondoren.

Jolas eremua

Lan aretoa.

Denbora

Zenbat galdera edo gai planteatzen diren, eta zenbat talde dauden, gehiago edo gutxiago beharko da.

Materiala

Papera eta bolaluma, eztabaidetan sortzen diren ideia garrantzitsuenei buruzko oharrak hartzeko.

Aldaerak

Taldeko pertsona kopuruak eta denborak ez dute zertan beti berdinak izan, baina zortzi laguneko taldeak eta 10 minutuko saioak egingo ditugu, gehienez ere.

Gomendioak

Teknika hau oso erabilgarria da talde handi baten aurrean gai bat azaldu nahi denean, eta taldeak gai horren inguruan nolako kezkak dituen edota zer dakien eta zer ez ezagutu nahi denean.
Gai baten inguruko azalpena eman ondoren, taldea galderak egitera bultzatzeko ere erabil daiteke.
Ez erabili teknika hau parte hartzaileek gai batean sakontzea nahi denean, denbora gutxi uzten baitu eztabaidarako. Bai galderak bai eztabaidagaiak ondo mugatu eta zehaztu behar dira.

Ebaluazioa

Neurtu taldeko kide bakoitzak zenbat parte hartzen duen eztabaidetan.
Taldeek ateratako ondorioak kontuan hartuta, neurtu zenbateraino ezagutzen duten gaia parte hartzaileek.