TELEGRAMA

TELEGRAMA

[dkpdf-button]

TELEGRAMA

Helburuak

Abstrakziorako gaitasuna garatzea.
Kontzentrazioa eta buru azkartasuna trebatzea.

Parte hartzaileak

+6

Garapena

Bi talde egingo ditugu.
Hitz bat esango dugu eta talde bakoitzak telegrama bat prestatu beharko du hitz horren letrekin, letra bakoitza bitan erabiliz, gehienez ere.
Hitz bat esango dugu.
Lanerako tarte bat utzi ondoren, taldeek sortutako telegramak irakurtzen hasiko gara.
Telegrama zentzuzkoenak puntu bat irabaziko du.

Antolaketa

Hitzak aldez aurretik idatzita eramango ditugu: letra desberdin askoko hitz luzeak, ahal bada. Hitz batetik sortutako telegramak ere eraman ditzakegu, adibide gisa.

Jolas eremua

Toki eroso bat, ondo entzuteko oztoporik gabekoa.

Denbora

15 minutu.

Materiala

Orriak eta arkatzak.

Aldaerak

Talde txiki bat badugu, taldea zatitu gabe eta modu kooperatiboan egin lan, edo taldetan, baina inor irabazle edo galtzaile izendatu gabe.
Helburua beste bat izan daiteke: aurrena amaitzen duena izango da irabazlea, edo telegrama barregarriena idazten duena, edo orijinalena, luzeena…

Gomendioak

Aldaera asko egiteko aukera eskaintzen duten hitzak proposatu.

Ebaluazioa

Ariketa honen helburu bakarra abstrakziorako gaitasuna lantzea denez, eta ez gai baten abstrakzioa egitea, parte hartzaileen jarrera izango da ebaluazio egiteko erabiliko dugun irizpide bakarra.