Aisialdiko begirale ikastaroa

2018 ekaina, 13

Posted in

ZERGATIK EGIN FORMAZIOA URTXINTXAREKIN

URTXINTXA-KIDE izango zarelako. Honek, lehentasuna eta arreta berezia eskainiko dizularik arlo desberdinetan. Hala nola:
1. Praktikak: ikastaroaren atal teorikoa bukatu ondorengo praktikak aurkitzeko aholkularitza, laguntza.
2. Urtxintxak kudeatzen dituen egitasmoetan lan egiteko lehentasuna.
3. Urtxintxako liburutegi espezializatuan mailegu zerbitzuaz baliatu ahal izango duzu.
4. Hurrengo ikasturtean burutuko zenituzkeen beste ikastaroetan %15aren beherapena
5. Urtxintxak saltzen dituen produktuetan %15aren beherapena
6. Ikastaroa amaitu ondoren, zure ibilbide profesionalean dituzun ekimenetan aholkularitza eta jarraipen profesionala.
Urtxintxako profesionalen etengabeko formazioaz, ezagutzen eguneraketaz, ibilbideaz eta eskarmentuaz zuzenean elikatu ahal izango duzu.

AISIALDIKO BEGIRALE IKASTAROA URTXINTXAN

3000 pertsonak egin dute dagoeneko Urtxintxaren begirale ikastaroa, gure bezeroek guregan jarri duten konfiantzaren seinale. 150 orduko ikastaroa da eta modu estensiboan zein intensiboan egin daiteke. Eusko Jaurlaritzak homologatutako titulazio ofiziala da eta Lanbidek eskaintzen duen ziurtagiri profesionala.

Nori zuzenduta dago?

18 urtez gorako aisialdian aritzen direnenei edo horretarako asmoa dutenei zuzenduta dago (DBH titulua dutenentzat). Ikastaroa EUSKARAZ izango da (beraz, klaseak jarraitu eta memoria euskaraz egiteko euskara maila egokia bermatu behar da). Irakasleak aisialdiko begirale edo zuzendari tituludunak eta aisialdiko heziketan eskarmentudunak izaten dira; dagokien gaian lizentziatuak edo diplomatuak: soziologoak, psikologoak, pedagogoak, gizarte hezitzaileak, biologoak, geologoak…