Familiak euskaraz aritzeko gune eta uneak sortzea du xede FamiliaOlak. Gune hauetan euskaraz ikasten ari diren edota euskaraz aritzeko zailtasunak dituzten familiak eta euskaraz bizi diren familiak elkartzea bilatzen da. Otsaila, maiatza eta azaroan ekintza ezberdinak burutzen dira eta hauetan parte hartzeko interesa duten familiek on-line egin dezakete izen ematea. Adin tartea: 2-8 urte Noiz: Maiatzaren 8an eta 12an Ordutegia: 17:30-19:00 (maiatzaren 8an) eta 11:00-13:00 (maiatzaren 12an) Non: Irungo Mendizale Elkartean, maiatzaren 8an, (Contracalle Kalea, 2) eta Agorregiko Burdinola eta Errotetan, maiatzaren 12an Adin tartea: 2-8 urte Adin tartea: 2-8 urte Amaiera eman diegu 2018-2019 ikasturteko Familiaola saioei. Oraingoan ere ekintza ezberdinak egiteko aukera izan dugu: egitasmoari hasiera Talo tailerrarekin eman genion, Irungo Mendizale Elkartean bilduta, arratsalde gastronomiko bat pasatzeko aukera izan dugularik. Handik egun gutxitara, taloak egiteko erabilitako arto-irina nola lortzen zen ere ikusi eta ikasi dugu, beste gauza batzuen artean, Pagoeta parke naturalean dagoen Agorregiko burdinola eta errota bisitatuz. Parketarretan parte hartu duten familiek jolas ezberdinetara jolasteko, dantzatzeko eta abesteko aukera izan dute. Eguraldiari aurre eginez, oso giro polita osatu dugu Irungo Gain gainean parkean. Azkenik, Udaberri Artistara hurbildu diren familiek, primeran pasatzeaz gain, udaberriko koloreez baliatuz, etxeko txoko ezberdinak apaintzeko aukera eduki dute, artista lanetan murgilduta. Ederki pasa dugu, eta ez ahaztu, datorren ikasturtean ere besoak zabalik itxarongo zaitugu! Amaitu dira jada urteko lehen Familiola tailerrak. Hilabete honetako eskaintza ere hiru ataletan sailkatu dugu: Ingurumen jolasekin hasiera eman genion, Ekogunera bisita eta guzti eginez. Inguruan duguna aztertzen ibili gara, saltseatzen, eta jolasetan murgilduta ingurumenarekiko kontzientzia landu dugu. Parketarretan parte hartu duten familiek jolas ezberdinetara jolasteko eta dantzatzeko aukera izan dute. Eguraldiak lagunduta, oso giro polita osatu dugu Sargia parkean. Azkenik, Jolas kooperatiboak eta talde jolasak tailerrera hurbildu diren familiek, oso ondo pasatzeaz gain, talde giroan, balore ezberdinen lanketa egin dute. Primeran pasa dugu, eta ez ahaztu, ,Maiatzean ere besoak zabalik itxarongo zaitugu! Bukatu dira Familiaolako azaroko tailerrak eta oraingoan, familiek hiru tailer ezberdinetan jarduteko aukera izan dute. Ikasturtea Yoga tailerrarekin lasai lasai hasi dugu. Bidaia honetan, Ane Otxoteko yoga irakaslea izan dugu bidelagun eta berarekin, teknika ezberdinak erabiliz baita yoga postura ezberdinak ikasiz, norberak bere gorputza ezagutu eta erlaxatzeko aukera izan du. Familia batzuk aldiz, Erdi Arora salto egin dute eta garai bateko ferian bezala jolastu nahi izan dute. Hauek, ahatearen arrantzan, zaldi lasterketan, lata jaurtiketan…etab, jolasetan aritu dira. Honetaz gain, familiek euren artista sena atera dute eta eskuekin zein trebeak diren erakutsi digute; plastikozko botila batekin jostailu bat egin dute eta kartulina zatiekin eta makiltxoekin, euren antzerkiko txotxongiloak egin dituzte; zein trebeak diren! Tailerrekin amaitzeko, familiek gaur egungo jolasetan aritzeko aukera ere izan dute. Zapiaren atzetik korrika eginez edota 1-2-3 eguzki jolasean irudimena landuz, famili zein lagun artean gozatzeko aukera izan dute. Azkenik, e pata pata piratak bezala, jolasean eta kantuan pasa ditugu arratsaldeak. Bukatu dira dagoeneko 2017-2018 ikasturteko Familiaolako tailerrak. Oraingoan, Parketarrak, Piraten bizitza hoberena da eta Buztinarekin jolasean tailerrak burutu ditugu. Horretaz gain, bi irteera egin ditugu familiekin; Lehenengoa, Donostiako Bulebarrera Txantxarien emankizuna ikustera eta bigarrena, Pasaiako badian itsasontzian ibiltzera. Parketarren saioan, familiek jolas ezberdinetan jolasteko aukera izan dute; familian jolastuz eta abesti berriak ikasiz, arratsaldea pasa dute. Jolas saioei amaiera bikaina emateko, Donostiako Bulebarrera joan gara eta bertan Txantxariak ezagutzeko aukera izan dugu. Beste batzuk aldiz, Martxel pirata bezala, Irungo kaleetan barrena ibili dira. Poliki poliki, piraten bizitza ezagutu dute, piratak bezala pentsatzen eta ekiten ikasi dute, eta azkenik, gura familiak, piratak bilakatu dira! Baina pirata izateko oso garrantzitsua da nabigatzen jakitea; Pasaiako piraten laguntzaz, gure sasi piratak itsasontziz, Pasaiako badia konkistatzera irten dira! Azkenik, gure artean sekulako artistak ditugula ikusi dugu. Familiek irudimena dantzan jarri dute eta buztinarekin sekulako artelanak egin dituzte; baita hauek koloreztatu ere. A zer nolako artistak! Bukatu dira dagoeneko otsaileko Familiaolako tailerrak. Oraingoan, Parketarrak, Artista bat naiz ni eta Uum! Ze gozoa tailerrak burutu ditugu. Parketarren saioan, familiek jolas ezberdinetan jolasteko aukera izan dute eta eguzkia lagun, kaleak kantuz eta jolasez girotu ditugu. Horretaz gain, haurrek dinamizatzaile finak direla erakutsi digute; A zer nolako martxa duten! Eta haurrek duten martxa hori aipatuta, Artista bat naiz ni tailerrean ibili direnak ere, sekulakoa dutela erakutsi digute. Gorputzarekin soinua eginez, musika egitea lortu dezaketela frogatu dute, baita birziklatzeko materialarekin instrumentuak egin ere! Azkenik, horrenbeste jolas, musika eta mugimendurekin, gosetuak etorri zaizkigu Uum ze gozoa tailerrera. Bertan, gure zentzumenak lanean jarri ditugu eta begiak estalirik, postreko osagaiak usaindu, dastatu eta ukitu behar izan ditugu. Behin osagaiak zeintzuk ziren jakinda, txikienek fruta brotxetak eta batido gozoak egin dituzte; handienek aldiz, txokolatez eta gailetazko pastelak egin dituzte; Uum, ze gozoak!! Amaitu dira jada hilabete honetako FamiliaOla tailerrak. Hilabete honetan zehar, familiek Yoga zein Ongi etorri tailerrez gozatzeko aukera izan dute eta bertara, hogei bat familia gerturatu dira (ia 50 pertsona). Ongi etorri tailerrean, familiak ezagutu, konfiantza hartu zein elkarri lagunduz, kooperazioan jolasak burutu ahal izan dituzte. Yoga tailerrean aldiz, familian erlaxatzen ikasi dute; arnasketa landu, gorputzari masaje txikiak eman, yoga postura ezberdinak ikasi eta Marina Pintos-en musika lasaigarriarekin, amaierako erlaxazio saioei amaiera eman diegu. Bi tailerretan, gu eta familiak eroso sentitu eta primeran pasa dugu. Honekin batera, otsaileko tailerretara etortzeko asmoa dutela adierazi digute. Anima zaitezte! Gabonetako oporren ondoren otsaileko eskaintzaren berri izango da eta!.FAMILIAOLA
Egitasmoa
Mintza-gune hauek kudeatzeko eta dinamizatzeko haur eta gurasoentzat erakargarriak diren interesguneak bilatzen ditugu: natura, fantasiazko pertsonaiak, ingurunearen ezagutza, emozioak, gorputza… hainbat forma interesgarri behar eta nahietara egokituta.
Horiek guztiak aurrera eramateko, lan-modua tailerrak dira. Tailer horietan hainbat baliabide eta bitarteko erabiltzen dira aurretik landutako helburu zehatzekin: jolasak, kantak, ipuinak, eskulanak, kirola… Jarduerak euskaraz eginez, familiak euskaraz aritzeko konpromisoa hartzen dute eta mintza-gune horiek euskararen erabilerarako bultzada bilakatzen dira.FAMILIAOLA IRUNEN
MAIATZEKO TAILERRAK:
TALO TAILERRA ETA AGORREGIKO BURDINOLA ETA ERROTETARA BISITA
Burdina nondik ateratzen den ba al dakizu? Eta taloak egiteko irina? Zatoz Agorregiko Burdinola eta Errotak bisitatzera, hori eta gehiago ikasiko dugu eta! Gainera, meriendatzeko talo goxo-goxoak prestatuko ditugu!
PARKETARRAK
Parkean, familian eta lagun artean jolastea gustuko duzu? Giro atseginean, kantu zein jolas ezberdinak burutuko ditugu, animatu!
Noiz: Maiatzaren 16an eta 23an
Ordutegia: 17:30-19:00
Non: Gain Gainean parkean (Olaeta kalea, 25)UDABERRI ARTISTA
Udaberriarekin batera zelaiak eta zuhaitzak loratzen dira. Gure etxeko bazterrak ere loratzeko unea iritsi da, denok barruan daramagun artista aterako dugu!
Noiz: Maiatzaren 21ean eta 28an
Ordutegia: 17:30-19:00
Non: Toki Alai HI (Alzukaitz kalea, 2)2018-2019 FAMILIAOLAKO BIZIPENAK HITZETAN:
MAIATZEKO TAILERRAK:
OTSAILEKO TAILERRAK:
AZAROKO TAILERRAK:
2017-2018 FAMILIAOLAKO BIZIPENAK HITZETAN:
MAIATZEKO TAILERRAK:
OTSAILEKO TAILERRAK:
AZAROKO TAILERRAK:
FAMILIAOLAKO SAIOEN IRUDIAK:
FamiliaOla egitasmoa
Posted in
